الجمعة , 14 ديسمبر 2018 - 11:33 صباحًا
رئيس مجلس الإدارة د/ أحمد عبد الصبور
رئيس التحرير التنفيذي محمد يحيى

يا مصرى .. اعرف ناصريتك !

بقلم الدكتور / محمد العمروسي

هل تعلم يا مصرى أن :-
* الهكسوس احتلوا مصر 108 سنوات الى ان اخرجهم احمس
* الاشوريون احتلوا مصر 16 سنة
*الفرس احتلوا بلدنا حين غزا مصر قمبيز ملك الفرس عام 525 قبل الميلاد
وبعدين اليونانيون طلعوهم من مصر و قعدوا بقيادة الاسكندر الاكبر سنتين
* البطالمة اللى هما يونانيين برضه كملوا احتلالنا لمدة 300 سنة
* وبعدين الرومان أتوا بقيادة اوكتافيوس وطلعوهم واحتلوا مصر 360 سنة
* و بعد الــ 360 سنة كان دور البيزنطيين اللى احتلوا مصر 310 سنوات
:: ثم كان الفتح الاسلامى اللى جه وطفّشْهم
ده غير بقى ان احنا البلد الوحيد اللى حكمه مماليك أغراب ( يعني عبيد ) 300 سنة باسم دولة المماليك . ايامها حصل الاحتلال العثمانى بقيادة سليم الاول عام 1517 والأنكى انهم قعدوا 700 سنة هم قادة الجيش و امراء و وزراء و احنا المصريين عايشين عيشة اللضى الا بعض الخونة والخوارج على الوطنية !!!!!
*الفرنسيين احتلوا مصر 3 سنين طلع عينهم فيها وسابوها والحكم آل بعدهم لمحمد على الالبانى الارناؤوطى اللى خلص على المماليك فى مذبحة القلعة
*الانجليز احتلونا 72 عاما
وأخيرا ربنا نفخ فى صورتنا و جالنا واحد من ابناء مصر صعيدى من بنى مر ابوه غلبان كان بوسطجى يعنى مصرى اصيل ابن مصرى اصيل ، عمل ثورة واخرج الملك سليل الارناؤوطية من مصر عام 1952 وبعده تم جلاء الانجليز وحمل الاستعمار عصاه على كتفه ورحل خاضعاً خانعا حتى اخر جندى فى 18 يونيو 1956!!!.
:: هل تعرف يا مصرى من هو هذا المصرى الذى تسلّح بقيم ومبادئ المصرى الأصيل ووضعها قيد التطبيق وبها انتزع انتصار مصر وصار ناصرا لمصر وكان اول مصرى ، لحما ودما ، يعيد حكم مصر للمصريين بعد 2500 عام توالت فيها صنوف الاحتلال وتربع فيها على عرش مصر الغرباء ؟ انه ناصرمصر .. ابن مصر البار الزعيم القائد البطل جمال عبد الناصر بن حسين بن خليل بن سلطان المري !
يا مصرى : حسك عينك تفرّط تانى فى بلدك !
د. محمد العمروسى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *