السبت , 20 أغسطس 2022 - 5:07 صباحًا
رئيس مجلس الإدارة د/ أحمد عبد الصبور
رئيس التحرير التنفيذي محمد يحيى
أخبار عاجلة

كفانا جلداً للذات ؛ العالم كله أنصفنا ونحن لم ننصف أولادنا …

اللواء / تامر الشهاوي – يكتب : من مصر القاهرة

 

محمد صلاح لاعب محترف واكيد عايز البطولات اكتر من اى حد ومفيش حد صاحب فضل عليه بعد ربنا سبحانه وتعالى ، هو اللي عمل نفسه بنفسه بإرادته وعزيمته وإصراره ، لغاية ما وصل ليكون رمز ونموذج مشرف ومثل أعلى لكل مصري وعربي فمن فضلك ماحدش يقارن صلاح وهو مع ليفربول وصلاح وهو مع منتخب مصر لان كره القدم لعبه جماعيه مش لعبه فرديه .

 

كيروش مدرب محترم واكيد عايز ينجح ولكن هى دى القماشه اللى موجوده وده مدير فنى عايز لعيبه تنفذ فكره ده مش مدرب ناشئين حايعلم اللاعبين اساسيات اللعبه ويبنى جسمان رياضى مش شغلته وللاسف دول افضل لعيبه فى مصر انا مع استمرار كيروش وتجديد الثقه فيه مدرب تقيل محتاج فتره زمنيه يفرز ٣٠ لاعب من نوعيه زيزو وعبد القادر وصلاح وفتوح وغيرهم .

 

من المؤكد اننا جميعا بلا استثناء غاضبون من عدم التاهل لكن بصراحه اللى انا شوفته على السوشيال الميديا من هجوم شرس على الفريق وصلاح وكيروش هجوم ممنهج لا يقبله عاقل فالازمه مش كيروش ولا صلاح لكن الازمه اكبر من كده بكتير.

 

الفريق عمل اللى عليه ووصل الى نهايه الطريق وخسر بصعوبه بالغه من المصنف رقم واحد فى افريقيا وطبعا كلنا تابعنا الارهاب الذى حدث فى داكار بخلاف القرارات العكسيه لحكم المباراه وتجاهله ل VAR… اللى وصله الفريق بقدراته الحاليه اكتر كتير من امكانياته وعوض الفرق ده بالروح القتالية ومسانده الجماهير .

 

العالم كله انصفنا ونحن لم ننصف اولادنا.

كاتب المقال ؛

اللواء / تامر الشهاوى – صقر المخابرات الحربية المصرية وعضو مجلس النواب المصرى السابق.

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *