الثلاثاء , 14 أغسطس 2018 - 1:56 مساءً
رئيس مجلس الإدارة د/ أحمد عبد الصبور
رئيس التحرير التنفيذي محمد يحيى
أخبار عاجلة

حوار جرئ : #الوسط_الفني_والحقد_والحسد

بقلم الفنان الشاب / محمد عبدالحميد
#بلاش_تحسدوا_اللى_شغالين_ف_الميديا

1- عدد ساعات نومنا ٥ ساعات ف الْيَوْمَ او يمكن اقل ساعتين بالكتير.
2- عندنا موبيل بعيد عنكم مش بيسكت زن زن زن دا لو كان معانا خط واحد و دا نادرا 24 ساعة فيس وواتس اون لاين ومش بنكلم حد ولو بتتصل بينا صعب نرد عليك من اول مرة مش غرور او تناكة بس مشغولين اليوم من اوله لاخره مخنا مش بيفصل وكاتبين لا للدردشة والخاص ممنوع وتلاقي ناس تدخل برضو تكلمنا وتزعل لو مش ردينا متتعاملوش معانا كاننا ناس عادية ولو شفتونا سرحانين متفصلوناش ومتضغطوش علينا نرغي معاكم بالعافية وتستنونا نفتح في مواضيع واحنا مش عايزين 📱📱
3- علي طول الوقت بناكل برة البيت قابل بقى أمراض معدة و ارف ومش حاسين بجو أسري ولا باعياد ولا رمضان 😷
4- لو تعبنا مش سهل ناخد اجازة و لا سهل نمشى و نروح بيوتنا في اى وقت ف حاله اننا لو هنموت بس ممكن نعمل كدة😪
5 – طول الوقت مركزين و بنفكر و عصبيين و قلقانين ومزاجين وماشين بمود شكل كل دقيقة وبنفكر في بكرة وبنرتبله يمشي ازاي
6- هتلاقى عندنا بعد فترة يجيلنا أمراض سكر وضغط وقلب ومراره مع قولون وهسهس وبيري بيري 😥
7 – بنستحمل كل انواع البشر يعني هتلاقينا دايماً بنحاول نماين امورنا و دى عايزة طول بااااال اوي 😠
8 – هو مرتبنا معقول بس طول الوقت مافيش فلوس متعرفوش ازاى فلوس الميديا ملبوسة والا بتطير فعلا طلعت من أنواع الطيور💸
9 – أتعودنا علي الخوازيق يعنى واحنا نازلين من بيوتنا عارفين ان خازوق مين وامتى و فين وليه وازاي هنا بيبقى الإثارة و المتعة و التشويق بتاعت الْيَوْم 😨
10 – طول الوقت بنعمل كذا حاجة ف نفس ذات الوقت ومخنا شغال يفكر حتي لو نايمين يعنى احنا المارد بسلامته 💪
11 – اغلبينا مش بيعرف يشتغل حاجة غير الشغلانه دى يعني مافيش مفر ولا هروب منها 😞
12 – أغلبنا مش بيشوف اهله غير في الاجازات و اللى عايش مع اهله بيروح متاخر ف برضه مش بيشوف اهله و بيعرف اخبار بيته من الواتس اب صدفة 📲
13 – معظم الوقت بنتعامل مع ناس لا حاببهم ولا طايقينهم و مختلفين ف كل حاجة ومش زينا خالص عشان الميديا علاقات و ساعات بنتعامل مع ناس خارج الميديا متخلفين واغبية ومستفزين وباردين وبيفهمونا غلط ويتسرعوا في الحكم علينا بس احنا مجبرين نتعامل بالاكراه معاهم كدة وللاسف فاكرين شغلنا زي اي وظيفة تانية 😤
14_احنا مش بتوع ارتباط اغلبيتنا سناجل ولو اتجوزنا بنطلق وننفصل واغلبيتنا مش بنفكر نرتبط عشان مفيش حد بيفهمنا ولاحد بيقدر حجم مسئوليتنا في شغلنا وتعبنا وارهاقنا فيه ومفيش حد بيحس بينا و بيستحمل مودنا المتقلب كل دقيقة الكل عايزينا 24ساعة مرحين وفاني وكل حد نرتبط بيه عايزينا نتفرغله ونتقطعله ويربطنا ونقعد جنبه ومانشوفش شغلنا والدنيا تعطل بسببه و عشان خاطره وتيجي علي دماغنا واخرتها بنتجوز شغلنا ونفك من الارتباط والجواز بنميل للوحدة ونعشقها
15_الكل بيعرفنا مصلحة عشان يتسيط علي قفانا ويشتهر علي حسنا وياخد كام صورة معانا عشان يتفشخر بيها علي الفيس لما ينزلها ويصطاد بيها ويشقط بنات ولازم يطلعوا منا بأي مصلحة كأنها اجبار وحق مكتسب
16_الكل بقي عايز يشتغل في الميديا فاكرين الموضوع سهل كله عايز يمثل ويغني ويخرج ويلحن ويكتب ويرقص دحنا طلع عنينا سنين فيها ولسة بيطلع طب كفايا كدا والا اكمل
قصر الكلام من الاخر كدة احنا ناس صاحبة مرض ماشيين بعلاج عيب لما تحسدونا واحنا طالع عين ابونا 😒
#فضفضة 😞

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *